ƏLİYEV İqrar Hәbib oğlu (14.3.1924, Bakı – 11.6.2004, Bakı) – Azәrb. tarixçisi, şәrqşünas. Tarix e.d. (1961), prof. (1981), AMEA-nın akad. (2001; m. üzv 1980), Azәrb. SSR әmәkdar elm xadimi (1979). Akad. V.V.Struvenin tәlәbәsidir. Azәrb. Dövlәt Un-tini bitirmişdir (1945). Azәrb. Dövlәt Un-tindә müәllim (1945–47), Azәrb. Pedaqoji İn-tunda dosent, qәdim dünya vә orta әsrlәr tarixi kafedrasının müdiri (1947–55) işlәmişdir. 1945 ildәn eyni zamanda Azәrb. SSR EA Tarix İn- tunda çalışan Ə. Azәrbaycanın qәdim tarixi şöbәsinin   müdiri (1957–78), AMEA Tarix İn-tunun direktoru (1978–2004) olmuşdur. Azәrb. SSR Ali Soveti Rәyasәt Heyәti yanında Toponimika komissiyasının sәdri, Azәrbaycan Sovet Ensiklopediyası elmi redaksiya şurasının üzvü, Mәdәniyyәt vә Tarixi Abidәlәrin Mühafizәsi Cәmiyyәtinin vә Dövlәt Mükafatları üzrә Komissiyanın sәdr müavini kimi fәaliyyәt göstәrәn Ə. üçcildlik “Azәrbaycan tarixi”nin, çoxcildlik “Azәrbaycan tarixi”nin müәllif vә redaktorlarındandır. Azәrb.-ın qәdim tarixi vә arxeologiyası, Qәdim Şәrq tarixinә dair 200-dәn çox elmi әsәrin, o cümlәdәn 6 monoqrafiyanın müәllifidir. Xalqlar Dostluğu (1981), Azәrb. Resp.- nın “Şöhrәt” ordeni (1999) ilә tәltif edilmişdir. Elmi kadrların hazırlanmasında xidmәti var.

Ə s ә r l ә r i: Мидия – древнейшее государство на территории Азербайджана: Очерки по древней истории Азербайджана. Б., 1956; О первых племенных союзах на территории Азербайджана, Б., 1959; История Мидии. Б., 1960; Очерк истории Атропатены. Б., 1989; О некоторых вопросах этнической истории азербайджанского народа (Ответы моим критикам). Б., 2002; Несколько замечаний на авестологическую тему. Б., 2003.