ƏLİYEV Mәmmәdbağır Cavad oğlu (d.8.4.1955, Tac. SSR, Kurqan-Tübә ş.) – Azәrb.-Rusiya tibb alimi, ictimai xadim. Tibb e.d. (1992), prof. (1998), RF-nın Dövlәt mükafatı (1998) vә Hökumәt mükafatı (2005) laureatı. Rusiya Tibb EA-nın akad. (2007; m. üzv 2004). Rusiya EA-nın akad. (2011). Azәrb. Dövlәt Tibb İn-tunu bitirmişdir (1979). Ə.Əliyev ad. Azәrb. Hәkimlәri Tәkmillәşdirmә İn-tunda işlәmişdir. 1992 ildәn N.N.Bloxin ad. Rusiya Tibb EA-nın Onkoloji Elmi Mәrkәzindә hәrәkәtdayaq aparatının şişlәri şöbәsindә aparıcı mütәxәssis olan Ə. hazırda hәmin mәrkәzdә direktorun elm vә müalicә işlәri üzrә müavini, Elmi Tәdqiqat Uşaq Onkologiyası vә Hematologiyası İn-tunun direktoru vә Mәrkәzin Ümumi Onkologiya Klinikasının rәhbәridir. Tәdqiqatları, әsasәn, dayaq-hәrәkәt aparatının şişlәrinә görә radikal müalicә olunmuş xәstәlәrin tibbi-sosial reabilitasiyası mәsәlәlәrinә hәsr olunmuşdur. 150-dәn çox elmi әsәrin, o cümlәdәn 2 monoqrafiyanın müәllifidir. Azәrb. Resp.-nın “Dostluq” ordeni ilә tәltif edilmişdir. Elmi kadrların hazırlanmasında xidmәti var.