ƏLİYEV Ramazan Alı oğlu (18.6.1951,Qazax r-nunun Poylu k. – 7.1.2016, Bakı) – Azәrb. hidrobioloqu. Biologiya e.d. (2001), prof. (2005). Azәrb. Dövlәt Pedaqoji İntunu bitirmişdir (1973). 1973–80 illәrdә Sabirabad r-nundakı Cavad kәnd orta mәktәbindә müәllim, 1980–97 illәrdә Azәrb. SSR EA Zoologiya İn-tunda laborant, kiçik elmi işçi, böyük elmi işçi işlәmiş, eyni zamanda 1993 ildәn Azәrb. Dövlәt İqtisad Un-tindә dosent, 2001 ildәn kafedra müdiri olmuşdur. Tәdqiqatları Qafqazın şirin su hövzәlәrindә yanüzәn xәrçәnglәrin Azәrb.-da yayılmış 32 növ vә yarımnövünün (18 növ Azәrb. üçün yenidir, 2 növü isә elm üçün ilk dәfә tәsvir edilib) aşkarlanmasına, Azәrb.-ın şirin su hövzәlәrindә amfipodların biologiyasının ilk dәfә araşdırılmasına aiddir. 85 elmi әsәrin, o cümlәdәn 1 monoqrafiya vә 1 dәrsliyin müәllifidir. Elmi kadrların hazırlanmasında xidmәti var.

Əsәri: Aмфиподы пресных водоёмов Азербайджана. Б., 2000.