ƏLİYEV  Zamiq  Balarza  oğlu  (d.25.5. 1950, Bakı) – Azәrb. musiqiçisi, tarzәn. Azәrb. Resp. xalq artisti (2007). Azәrb. Dövlәt İncәsәnәt İn-tunu (1972, H.Mәmmәdovun  sinfini) bitirmişdir. 1969– 97 illәrdә “Dan ulduzu”, “Azәrbaycan tәranәlәri” (1970–80), Z.Xanlarovanın rәhbәrlik etdiyi (1979–91, konsertmeyster vә musiqi rәhbәri) instrumental ansambllarda, Z.Adıgözәlov ad. muğam üçlüyündә (Azәrb. Dövlәt Filarmoniyası, 1992–96) fәaliyyәt göstәrmişdir. “Şәrq bülbülü” muğam üçlüyünün tәrkibindә 1997 ildә Sәmәrqәnddә keçirilәn “Şәrq tәranәlәri” beynәlxalq müsabiqә-festivalında “Qranpri” mükafatına layiq görülmüşdür. 1997 ildәn Azәrb. Dövlәt Mәdәniyyәt vә İncәsәnәt Un-tindә pedaqoji fәaliyyәt göstәrir (2013 ildәn prof.). Bir çox mahnıların  müәllifidir  (“İlham  alıram”, “Azәrbaycan”, “Ümid nәğmәsi”, “Yar bu gecә”, “Allah sәni pәnahında  saxlasın” vә s.). Ə. Azәrb.-ın bir çox görkәmli xanәndәsini tarda müşayiәt etmiş, xarici ölkәlәrdә qastrolda olmuşdur.