ƏLİZADƏ  Aqşin  Əliqulu  oğlu  (22.5. 1937, Bakı – 3.5.2014, Bakı) – Azәrb. bәstәkarı. Azәrb. SSR xalq artisti (1986). Azәrb. SSR Dövlәt mükafatı laureatı (1978). Azәrb. Dövlәt Konservatoriyasını bitirmişdir (1962; C.Hacıyevin bәstәkarlıq sinfini). Ə. orijinal üslubu ilә seçilәn sәnәtkarlardan olmuşdur. Canlı tәbiәt lövhәlәri, parlaq obrazlılıq, aydınlıq vә yığcamlıq  onun  bir  çox  әsәri  üçün  sәciyyәvidir. Ə. 5 simfoniyanın (1962, 1966, 1982, 1984, 1989), “Azәrilәr” kantatasının (1976, şeirlәr F.Qocanındır), “Babәk” (1979, ilk tamaşası 1986), “Qafqaza sәyahәt” (1997, ilk tamaşası 2002), “Ümid valsı” (2006, ilk tamaşası 2008) baletlәrinin, a kapella xor üçün “Bayatılar” silsilәsinin (1969), “Kәnd süitası” (1973), “Abşeron lövhәlәri” (1983) vә s. simfonik әsәrlәrin, kamera ork. üçün “Pastoral” vә “Aşıqsayağı” (1970), “Cәngi” (1978) pyeslәrinin, xor әsәrlәrinin, bir çox bәdii, sәnәdli vә cizgi filminә (“Tütәk sәsi”, “Tәkcә adanı özünlә apara bilmәzsәn”, “Üzeyir ömrü”, “Sizi dünyalar qәdәr sevirdim”, “Bu, Sәttar Bәhlulzadәdir”, “Dәmirağac”, “Tәxәllüsü “Mixaylo” vә s.) vә dram tamaşalarına yazılmış musiqinin müәllifidir. 2ci simfoniyasına görә Azәrb. komsomolu mükafatına layiq görülmüşdür (1967). 1967– 94 illәrdә Azәrb. Dövlәt Konservatoriyasında (1990 ildәn prof.), Türkiyәnin müxtәlif un-tlәrindә (1994 –97), Naxçıvan Dövlәt Un-tindә (1997–2002), Bakı Musiqi Akademiyasında (2002–14) pedaqoji fәaliyyәt göstәrmişdir. 1979–85 illәrdә Azәrb. Bәstәkarlar İttifaqı İdarә Heyәtinin katibi, 1985–90 illәrdә birinci katibi, 1991–94 illәrdә Azәrb. Dövlәt Filarmoniyasının bәdii rәhbәri, Azәrb. SSR Ali Sovetinin (11-ci çağırış) deputatı olmuşdur. Azәrb. Resp.nın “Şöhrәt” vә “Şәrәf” ordenlәri ilә tәltif edilmişdir.

Əd.: Тагизаде А. Акшин Ализаде. Б., 1986; Da daşzadә Z. Aqşin Əlizadә. B., 1992.