ƏLİZADƏ Əlәşrәf Əbdülhüseyn oğlu (24.4.1911, Şamaxı – 22.3.1985, Bakı) – Azәrb. geoloqu. Geologiya-mineralogiya e.d. (1944), prof. (1945), Azәrb. SSR EA akad. (1945). SSRİ Dövlәt mükafatı laureatı (1943, 1946), SSRİ-nin fәxri neftçisi (1971). Tür. SSR-in fәxri elm vә texnika xadimi (1971). 1935 ildә Azәrb. Sәnaye İn-tunu bitirmişdir. Azәrb. KP MK katibi (1942– 44), Azәrb. KP MK ikinci katibi (1944), “Azәrneft” vә “Azәrneftkәşfiyyat” birliklәrinin rәisi (1946– 48), M.Qorki ad. Tür. Dövlәt Untindә kafedra müdiri vә Tür. SSR EA faydalı qazıntılar bölmәsinin müdiri (1949– 54), Azәrb. Dövlәt Neft Sәnayesi Elmi Tәdqiqat vә Layihә İn-tunun direktoru (1959–77), 1977 ildәn Azәrb. SSR EA İ.M.Qubkin ad. Geologiya İn-tunda regional geologiya vә tektonika şöbәsinin rәhbәri olmuşdur. 1938–40 vә 1954–59 illәrdә Azәrb. Sәnaye İn-tunda müәllim işlәmişdir. Ə. Azәrb. SSR-in әsas neft r-nlarında geol. tәdqiqat işlәri aparmış, bir sıra mühüm neft vә qaz-kondensat yataqlarının açılmasında bilavasitә iştirak etmişdir. Mezozoy çöküntülәrinin neftlilik problemi ilә mәşğul olmuşdur. Tür. SSR-dә apardığı tәdqiqatlar nәticәsindә Pliosen çöküntülәrinin stratiqrafik sxemini yaratmış, Akçaqılın faunasını öyrәnmişdir. Elmi kadrların hazırlanmasında xidmәti var. Ümumittifaq paleontologiya cәmiyyәtinin fәxri üzvü (1976), Qubkin ad. mükafatın laureatıdır (1973). SSRİ Ali Sovetinin (2-ci çağırış) deputatı olmuşdur. İki dәfә Lenin ordeni, “Qırmızı Əmәk Bayrağı” ordeni vә medallarla tәltif edilmişdir.
Əsәrlәri: Майкопская свита Азербайджана и ее нефтеносность. Б., 1945; Палеогеновые отложения Азербайджана. Б., 1947; Нефть и её происхождение. Б., 1957; Земля и землетрясения. Б., 1960; Акчагыл Туркменистана, т. 1–2, М., 1961–67; Акчагыл Азербайджана. М., 1969; Абшерон Азербайджана. М., 1973; Сармат Азербайджана. М., 1974.
