ƏL-QARAVİYYİN UNİVERSİTETİ  – Mәrakeşin Fәs ş.-dә un-t. İslam dünyasının ilk qabaqcıl dini vә tәhsil mәrkәzlәrindәn biri. Əsası 859 ildә Fatimә әl-Fihri tәrәfindәn mәscid-mәdrәsә kimi qoyulmuş, sürәtlә inkişaf edәrәk dini tәhsilin mәrkәzinә çevrilmişdir. 859–1963 illәr arasında tәhsil mәrkәzi vә mәscid kimi fәaliyyәt göstәrmiş, burada ilahiyyatla yanaşı,  qrammatika, ritorika, mәntiq, tibb, riyaziyyat, astronomiya, kimya, tarix, coğrafiya vә musiqi kimi elmlәr tәdris olunmuşdur. 1963 ildәn dövlәt un-ti statusu almışdır. Ginnesin rekordlar kitabına görә “dünyanın fasilәsiz fәaliyyәt göstәrәn әn qәdim tәhsil müәssisәsi”dir. Hazırda ölkәdә un-tin 4 filialı var: Şәriәt fakültәsi Fәs vә Aqadirdә, dilçilik Mәrakeşdә, ilahiyyat vә islam fәlsәfәsi fakültәlәri isә Tetuanda yerlәşir. Tәhsil әnәnәvi qaydada aparılır. Un-tdә bir sıra alim, filosof vә din xadimi, o cümlәdәn islam alimi İbn әl-Ərәbi (1165–1240), filosof İbn Xәldun (1332–1406), coğrafiyaşünas-sәyyah İdrisi (1100– 65), böyük yәhudi filosofu vә ilahiyyatçısı Maymonid (1135–1204), әrәb coğrafiyaçısı vә sәyyahı Afrikalı Lev (1494–1554) vә b. tәhsil almışlar.

Ял-Гаравиййин Университети. Мяракеш.