ƏMƏK BAZARININ DÖVLƏT TƏNZİMLƏNMƏSİ – işsizlik nәticәsindә yaranan maliyyә itkisi zamanı dövlәt tәrәfindәn işçilәrin müdafiәsinә yönlәndirilmiş iqtisadi, hüquqi, tәşkilati vә inzibati tәdbirlәrin mәcmusu.

Ə.b.d.t.-nin iki әsas forması fәrqlәndirilir: birbaşa vә dolayı. Birbaşa tәnzimlәnmәyә: a) dövlәt sektorunda mәşğulluğun stimullaşdırılması vә iş yerlәrinin sayının artırılması proqramları; b) әmәk ehtiyatlarının hazırlanması vә yenidәn hazırlanması; c) әmәk ehtiyatlarının işә götürülmәsinә kömәk; ç) işsizliyin sosial sığortası 

Dolayı tәnzimlәnmә: a) hökumәtin müvafiq büdcә-vergi siyasәtinin hәyata keçirilmәsi; b) hökumәtin kredit-pul siyasәtinin aparılması; c) dövlәt qanunvericiliyinin icrası; ç) hökumәtin amortizasiya siyasәti daxildir.

Birbaşa tәnzimlәnmә dövlәtin iqtisadiyyata müdaxilәsinin mәhdudlaşdırılmasını nәzәrdә tutursa, dolayı tәnzimlәnmә әksinә, dövlәtin iqtisadiyyata müdaxilәsinin genişlәnmәsinә yol açır.

Əmәk bazarının tәnzimlәnmә sisteminin әsas struktur elementlәri: a) hәmin bazarda vasitәçi kimi çıxış edәn ixtisaslaşdırılmış dövlәt idarәsi sayılan әmәk birjaları; b) әmәk bazarında hәmçinin vasitәçi funksiyalarını yerinә yetirәn özәl vasitәçi birjaları.