ƏMƏK  MƏHSULDARLIĞI  –  maddi nemәtlәrin vә xidmәtlәrin yaradılması prosesindә insan fәaliyyәtinin effektivliyi, mәhsuldarlığı. Mәhsul vahidinin istehsalına sәrf edilmiş vaxt vahidindә vә ya müәyyәn vaxt әrzindә buraxılmış mәhsulun kәmiyyәtindә ifadә olunur. Ə.m.-nın artırılmasını mәhsul vahidinin istehsalına sәrf edilmiş әmәyin azalması vә belәliklә dә, mәhsulun dәyәrinin aşağı düşmәsi ilә müәyyәnlәşdirmәk mümkündür. Ə.m.-nın artım tempi bir çox amillәrdәn asılıdır: 1) işçilәrin ixtisas sәviyyәsindәn; 2) elmin inkişaf dәrәcәsindәn vә onun texnoloji nailiyyәtlәrinin tәtbiqindәn; 3) istehsalın ixtisaslaşmasından, kooperativlәşmәsindәn   vә   hәcmindәn; 4) texniki vәsaitlәrin ölçüsündәn vә effektivliyindәn;  5)  tәbii  şәraitdәn.  Ə.m. göstәricisi  hesablananda  verilәn  müәssisәdә xalis vә ya yekun mәhsulun hәcmi işçilәrin orta sayına bölünür. Cәmiyyәt miqyasında ümumi Ə.m. milli gәlirin maddi istehsalda işlәyәn hәr bir işçiyә nisbәti kimi müәyyәn edilir. İctimai Ə.m.-nın inkişafı  ictimai  sәrvәtin  artması  vә  ölkә әhalisinin hәyat sәviyyәsinin yüksәlmәsindә mühüm әhәmiyyәtә malikdir.