ƏMİNƏ Yusif qızı (әslindә Yusifqardaş qızı) (d.24.9.1936, Bakı) – Azәrb. aktrisası. Azәrb. Resp. xalq artisti (1998). Azәrb. Pedaqoji Dillәr İn-tunu bitirmişdir (1961). Ümumittifaq gәnclәr festivalının laureatıdır (1957, Bakı). Azәrb. Gәnc Tamaşaçılar Teatrının (1958–64), Azәrb. Akademik Dram Teatrının (1964–74) aktrisası olmuşdur. Rolları: Qulu (“Anacan”, Y.Əzimzadә), Sәbirә (“Son mәktub”, R.İsmayılov), Humay (“Komsomol poeması”, İ.Coşqun; S.Vurğunun eyniadlı poeması әsasında), Ülkәr (“Söz yarası”, Q.Rәsulov), Əliman (“Torpaq ana”, Ç.Aytmatov), Esse (“Şeytanın şagirdi”, B.Şou) vә s. 1956 ildәn “Azәrbaycanfilm” kinostudiyasında işlәmişdir. “Şәrikli çörәk”, “Sәn nә üçün susursan?”,    “Bizim küçәnin uşaqları”, “Musiqi müәllimi” vә s. filmlәrdә çәkilmişdir. Ə.Y. bir çox filmlәrin dublyajında, televiziya tamaşalarında iştirak edir. Bәdii qiraәt ustası kimi tanınmışdır. Azәrb. Resp.-nın “Şöhrәt” ordeni ilә tәltif olunmuşdur.