ƏMİR HƏSƏN DƏHLƏVİ (1253, Bәddun – 1327–37 illәr arasında, Dövlәtabad) -hind şairi. Fars dilindә yazmışdır. Bәzi mәnbәlәrdә Əlai Sәncәri kimi dә qeyd Ömrünün çoxunu Dehlidә, sarayda keçirmişdir. Əmir Xosrov Dәhlәvinin mәslәkdaşı, dostu, eyni zamanda, Şeyx Nizamәddin Övliyanın “Çeştiyә” dini-sufi tәriqәtinә mәnsub olmuşdur. Nizami vә Sәdi onun yaradıcılığına güclü tәsir göstәrmişlәr. Zәngin әdәbi irsindәn divanı, “Eşqiyyә” adlı romantik poeması, Mәhәmmәd Sultanın ölümü haqqında mәrsiyәsi vә Şeyx Nizamәddin Övliyanın hikmәtli ifadәlәrindәn ibarәt “Fәvaid ul fuad” (“Ürәk faydaları”) nәsr әsәri dövrümüzәdәk gәlib çatmışdır. Ə.H.D., әsasәn, lirik şeirlәri ilә mәşhurdur. Əsәrlәrindә nikbinlik, hәyata bağlılıqla yanaşı, bәdbinlik, zәmanәdәn şikayәt motivlәri dә әks olunmuşdur. Xaqaninin bir neçә әsәrinә nәzirә yazmışdır. Divanının 3 әlyazma nüsxәsi AMEA M.Füzuli ad. Əlyazmalar İn-tunun fondunda saxlanılır.
Əd.: Abbasov Ə. Hәsәn Dәhlәvinin hәyat vә yaradıcılığı haqqında bәzi qeydlәr, İran filologiyası mәsәlәlәri (mәq. mәcmuәsi). B., 1966; Алиев Г.Ю. Персоязычная литература Индии. M.,1968.
