ƏMTƏƏ – satış, yaxud mübadilә predmeti. İqtisadi nәzәriyyәdә “Ə.” anlayışı әsas terminlәr sırasına daxildir. Geniş mәnada Ə. – mübadilә, yaxud alqı-satqı predmetinә çevrilәn istәnilәn nemәtdir (әşya, xidmәt, fәaliyyәt, sosial status, öhdәlik, fikir, insanın emosional vәziyyәti vә s.). Nemәtin alınan vә satılan Ə.-yә çevrilmәsi “kommodifikasiya” (ing. commodity – әmtәә) adlanır. Dar mәnada Ə. – әsasәn, mübadilә (satış) üçün yaradılmış predmet, xidmәt, yaxud işdir. Hәr iki mәnada da Ə.-yә çevrilәn bütün obyektlәr öz faydalılığını (alıcının bu, yaxud digәr tәlәblәrini ödәmәk qabiliyyәti) şәrtlәndirmәk xüsusiyyәtinә malikdir. Faydalılıq qabiliyyәti Ə. vә istehlakçının qarşılıqlı әlaqәsi zamanı meydana çıxır: istehlakçısı olmadıqda, obyekt faydalılığını itirir.

Dar mәnada “Ə.” anlayışı iki tip – natural vә әmtәә tәsәrrüfatların bir-birindәn ayrılması ilә әlaqәlidir. Adәtәn, böyük ailәlәrin apardıqları (mәşğul olduqları) n a tu ral tәsәrrüfatlarda yaşam üçün mühüm olan әrzaq mәhsulları, geyim, xidmәt, yaşayış evlәrinin tәmir işlәri, tәsәrrüfat tikililәri (qurğuları) vә s. istehsal edilir vә mübadilә olmadan ailә üzvlәri arasında istehlak üçün bölüşdürülür. Bu zaman nemәt vә xidmәtlәrin istehsal hәcmini ehtiyac vә onları istehsaletmә imkanı müәyyәn edir, natural tәsәrrüfatda izafi (artıq) mәhsul adәtәn olmur. Əmtәә tәsәrrüfa tın da nemәt vә xidmәtlәr ehtiyacdan daha çox, başqa nemәt vә xidmәtlәrlә birbaşa mübadilә (barter), yaxud pul qarşılığında satmaq mәqsәdilә istehsal edilir. Naturaldan әmtәә tәsәrrüfatına keçid bazar iqtisadiyyatının başlanğıcı kimi dәyәrlәndirilir. Kütlәvilik vә standartlara uyğunluq әmtәә istehsalına aid xüsusiyyәtlәr hesab edilir.