ƏMTƏƏ EHTİYATI – әmtәәlәrin tәdavüldә, hәmçinin müxtәlif istehsal sahәlәrindә fasilәsiz hәrәkәt prosesi, müvafiq ehtiyatlardakı istehsal, texniki vә digәr tәyinatlı mәhsulların reallaşdırılması mәqsәdilә yaradılan ehtiyatlar. Adәtәn topdan vә pәrakәndә ticarәt tәşkilatlarında istehsalçı vә istehlakçıda yaranır. Topdan ticarәt tәşkilatlarında ehtiyatların miqdarı bazanın әmtәә dövriyyәsinin hәcmi vә quruluşu, istehsalın mövsümilüyü vә hәmin material ehtiyatının istehlakı, ticarәt tәşkilatının onun әsas tәminat mәnbәyinә nisbәtәn yerlәşmәsi, anbar vә nәql. tәsәrrüfatının avtomatlaşdırma vә sinxronlaşdırma sәviyyәsindәn, әmtәәnin sonrakı irәlilәyiş mәrhәlәlәrindә isә daşınma şәrtlәrindәn asılıdır. Pәrakәndә ticarәt tәşkilatlarında ehtiyatların miqdarı ticarәt müәssisәsinin, tәşkilatının tipi vә onun yerlәşdiyi yer, tәlәbin xarakteri, әmtәә dövriyyәsinin hәcmi vә s. ilә tәyin edilir. Fövqәladә hallar üçün vacib olan material vә xammal, maşın vә avadanlıqların bәzi növlәri, әrzaq vә digәr malların vaxtında yaradılan vә hasil edilәn ehtiyatları “dövlәt ehtiyatı” da adlandırılır.