ƏMTƏƏ (MAL) TƏKLİFİ (ing. offer goods) – müәyyәn zamanda vә ya zaman kәsiyindә bazarda satılmaq üçün tәklif edilәn әmtәәlәrin (malların) miqdarı. Dәyәr ifadәsi baxımından bazar qiymәtlәri ilә mәblәği göstәrir. İstehsalçıların hazırlamağa vә satmağa hazır olduqları mәhsulların miqdarı vә bazar qiymәtlәri arasındakı asılılıq tәklif qrafiki vә ya әyrisi adlanır. Qiymәt yüksәk olduqca әmtәә tәklifi dә artır (digәr bәrabәr şәrtlәr zamanı), çünki istehsalçı öz gәlirini artırmağa çalışır. Lakin çox baha qiymәt zamanı istehsalı artırmadan da kifayәt qәdәr yüksәk gәlir tәmin etmәk olur. Bu halda tәklif azalır. Lakin әmtәә tәklifinin genişlәnmәsi ilә qiymәt dә enir.

“Elastik tәklif” anlayışı bazar qiymәtlәrindәki dәyişikliklәrә müvafiq olaraq müәyyәn әmtәәnin miqdarının nisbi dәyişmәsi vasitәsilә aşkara çıxır. Ə.t.-nin elastikliyi әmsalı tәklif olunan әmtәәnin miqdarının qiymәtlәrin müәyyәn faiz qalxdığı vә ya endiyi tәqdirdә necә dәyişәcәyini göstәrir. Müvafiq әmsal әmtәәlәrin nәzәrdә tutulan miqdarının nisbi dәyişmәsinin qiymәtlәrin nisbi dәyişmәsinә bölünmәsi ilә hesablanır.