ƏMTƏƏ-PUL  MÜNASİBƏTLƏRİ  – әmtәәnin istehsalı vә onun reallaşdırılması prosesindә yaranan insanlararası münasibәt, mübadilә növlәrindәn biri. Əmәk bölgüsünün inkişafı vә bazar tәsәrrüfatının yaranması nәticәsindә birbaşa әmtәә mübadilәsi (bazarda istәnilәn digәr әmtәә ilә mübadilә edilә bilәn universal әmtәә) pul vasitәsilә alqı-satqıya çevrilmişdir. Ə.-p.m. bazar iqtisadiyyatının ayrılmaz tәrkib hissәsidir.

Sәnaye, elmi-texniki vә informasiya inqilabları fonunda “pul münasibәtlәri” termini daha geniş yayılmışdır. Pul әmtәә vә xidmәt istehsalı ilә bәrabәr, cәmiyyәtdә mövcud olan digәr qeyri-iqtisadi sferalarda insanlararası münasibәtlәrin yaranmasına sәbәb olmuşdur. 21 әsrin әvvәllәrindә pulaqәdәrki mübadilә formaları (barter) saxlanılmışdır. Unikal elmi-texniki nailiyyәtlәrin qiymәtini müәyyәn etmәk çәtin olduğundan, firmalar onları natural şәkildә mübadilә edirlәr. Xidmәtlәrin nağdsız formada mübadilәsi firmalar, hәmçinin ayrı-ayrı insanlar arasında mövcuddur.