ƏNBƏR – kaşalotun hәzm yolunda әmәlә gәlәn mumabәnzәr üzvi maddә. Ə. kaşalotun yoğun bağırsağından çıxarılır, bәzәn isә dәniz vә okeanlarda suda üzәn vә dalğalarla sahilә atılmış halda da rast gәlinir. Spesifik әtri var; Amobren trifersen spirtinin oksidlәşmәsi nәticәsindә әmәlә gәlir.
Ə. parçaları dәyirmi formada, kütlәsi bir neçә kq-dan 300–400 kq-adәk olur; sıxlığı 900–920 kq/m3, әrimә temp-ru 60°C-dir. Spirt, efir vә yağda yaxşı hәll olur. Tәmizlәnib qurudulduqdan sonra Ə.-in rәngi qara, qәhvәyi, boz, qızılı vә ağ rәngәdәk (son 2-si daha qiymәtlidir) dәyişir. Ətriyyat sәnayesindә (әtrin qoxusunun zәrif vә qalıcı olması üçün) vә tibdә istifadә edilir. Tütün vә likörün tәrkibinә dә qatılır.
