ƏNBƏRÇƏ  CAMESİ  VƏ  PİRİ – Qax  r-nunun Əmbәrçay (әvvәllәr Ənbәrçә) k. yaxınlığında, meşәnin içәrisindәki köhnә qәbiristanda mәzar-ziyarәtgah. Mәzar üzәrindә çaylaq daşından hünd. 72 sm, eni 40 sm olan başdaşı qoyulmuş, üstündәki әrәbcә süls elementli nәsx xәttilә kitabәdә mәzarın 1715 ildә vәfat etmiş “böyük vә mәşhur alim” Seyid Mәhәmmәdә mәxsusluğu göstәrilmişdir. Seyid Mәhәmmәdin oğlu, nәvәlәri vә nәticәlәrinin Əmbәrçay camesinin yanında yerlәşәn mәzarları üzәrindәki yazılardan mәlum olur ki, onlar 300 il әrzindә hәmin camenin nәzdindәki mәdrәsәdә müdәrrislik fәaliyyәtilә mәşğul olmuşlar.

Əd.: Mәşәdixanım  Nemәt. Azәrbaycanda pirlәr. B., 1992.