ƏRƏBİSTAN-AFRİKA FOSFORİTLİ ƏYALƏTİ – Afrika vә Ərәbistan y-a-nın şm. hissәlәrini әhatә edir; sah. 9 mln. km²-dәn çoxdur. P₂O₅-in kәşf olunmuş ümumi ehtiyatı 9,5 mlrd. t-dan çox, onun filizdәki miqdarı tәqr. 30%-dir. 1885 ildә kәşf edilmişdir, sәnaye istismarı 20 әsrin әvvәlindәn әsasәn açıq üsulla aparılır. Afrika-Ərәbistan platformasının kәnar hissәlәri vә Atlas qırışıqlıq vilayәti ilә әlaqәdardır. 8 iri hövzәdәn  ibarәtdir.  Ən  böyük  yataqlar Mәrakeş hövzәsindәdir. Yataqlar Erkәn Tәbaşir-Paleogen yaşlı silisiumlu-karbonatlı terrigen formasiyalarda lokallaşmışdır. Filiz cisimlәri layşәkillidir.