ƏRTOĞRUL Cavid, Ərtoğrul Hüseyn Cavid oğlu (22.10.1919, Bakı – 14.10. 1943, Naxçıvan) – Azәrb. bәstәkarı. Azәrb. Dövlәt Pedaqoji İn-tunu bitirmiş (1940), Azәrb. Dövlәt Konservatoriyasında oxumuşdur (1941– 42, Ü.Hacıbәylinin sinfindә). İlk böyük әsәri fp. üçün yazılmış “9 variasiya”dır (1941–42; Üzeyir bәyә ithaf). Violin ilә fp. üçün poeması var (1941).

Nizaminin “Sevgili yar gәlmiş idi” qәzәlinә, N.Rәfibәylinin “Eşq olsun!”, türkmәn şairi Kәminәnin “Leylanın vәsfi”, T.Rәsizadәnin “Sәninlә olaydım” vә s. şeirlәrә romans vә mahnılar bәstәlәmişdir. 1941–45 illәr müharibәsi başlanarkәn “Cәbhәdәn mәktub” simfonik balladasını vә marşlar yazmışdır. “Şeyx Sәnan”, “Mәhsәti” operaları,  bir  sıra  kamera  vә  instrumental әsәrlәri yarımçıq qalmışdır. 1939–42 illәrdә  Azәrb.  Dövlәt  Konservatoriyasında Bülbülün rәhbәrlik etdiyi xalq musiqisini öyrәnәn elmi tәdqiqat kabinetindә çalışmış, burada  musiqi  folkloru  nümunәlәrinin toplanmasında iştirak etmiş, 1941–42 illәrdә Konservatoriyanın nәzdindәki musiqi mәktәbindә dәrs demişdir. Ə.C. onlarla Azәrb. xalq mahnısının variantlarını nota salmış,  Avropa  vә  rus  bәstәkarlarının ayrıca notlar şәklindә çap olunan romans vә  mahnılarını  Azәrb.  dilinә  tәrcümә etmişdir. Şeirlәri, pyesi vә rәsmlәri var.