ƏRZİNCAN (Erzincan) – Türkiyәnin Şәrqi Anadolu bölgәsindә il. Sah. 12 min km2. Əh. 217,9 min (2012). İnz. m. Ərzincan ş.-dir. İlin әrazisini hünd.-lәri 3000 m-ә çatan Otluqbeli d-rı (şm.-dan) vә Munzur d-rı (c.-dan) haşiyәlәyir. Otluqbeli drından başlanan c.-ş. istiqamәtli qollar Ərzincan, Çayırlı vә Tәrcan ovalıqlarını bir-birindәn ayırır. Ə. әrazisi seysmik zonada yerlәşir; Türkiyәnin zәlzәlәlәrdәn әn çox zәrәr çәkәn bölgәlәrindәndir; 26 dekabr 1939 ildә 7,9 bal gücündә baş vermiş zәlzәlә, demәk olar ki, Ərzincan ş.nin yerini dәyişdirmiş, 32962 nәfәrin ölümünә sәbәb olmuşdu. 13 mart 1992 ildә 6,8 bal gücündәki zәlzәlәdә 653 nәfәr hәyatını itirmişdir. Yeganә çayı Qarasu Fәrat hövzәsinә aiddir. İqlimi kontinentaldır; yanvarın orta temp-ru –3,5°C, minimal –32,5°C-yәdәk, iyulun orta temp-ru 28,3°C-dir. Yağıntının illik miqdarı ovalıqlarda 400 mm, dağlarda 1000 mm-dәn çoxdur.
Ə.-da sәnaye 1950 ildәn sonra inkişaf etmәyә başlamışdır. 1954 ildә toxuculuq f-ki, 1960-cı illәrdә süd vә kәrpic, 1958 ildә şәkәr, 1970-ci illәrdә Asbest boru, Etüdaş yem z-dları, әt-balıq müәssisәsi vә un f-ki yaradılmışdır. Ə.-dә xrom, magnezium, o cümlәdәn dәmir filizi, linyi t, amyan t, perlit vә duz hasil olunur. Xalçaçılıq, kilimçilik, meşә mәhsulları, toxuculuq sәnayesi vә metal әşya istehsalı var. İqtisadiyyatının әsasını әkinçilik vә heyvandarlıq tәşkil edәn ildә k.t. vә heyvandarlıq mәhsulları, kiçik biznesmenlәrin vә sәnәtkarların istehsal etdiklәri mәmulatlar, müxtәlif sәnaye mәhsullarının çoxu daxili bazarda satılır. Əhalinin 70%-i k.t.-da çalışır. Buğda, arpa, çovdar, lobya, kartof, pomidor, kәlәm, yerkökü becәrilir; әrik, alma, badam, armud, üzüm yetişdirilir. K.t. mәhsullarının 1/3 ixrac olunur. Ərazidә geniş otlaqların vә çәmәnliklәrin olması heyvandarlığın (qaramal, davar, at vә arıçılığın) sürәtli inkişafına şәrait yaradır.
Ярзинъан или. Мунзур даьлары.
