ƏSAS  FONDLARIN  QİYMƏTLƏNDİRİLMƏSİ – әsas fondların dәyәrinin hesablanması vasitәlәrinin sistemi.

Ə.f.q.-nin bölünmә ardıcıllığı: 1) tam ilkin dәyәr – әsas fondların obyektlәrinin işә salınma dәyәri. Avadanlıqların, bina qurğularının satınalınması, çatdırılması, quraşdırılması vә montajına çәkilәn xәrclәri pul şәklindә ifadә edir; 2) köhnәlmәyә görә çıxdaşetmәnin ilkin dәyәri – әsas fondların buraxılmış mәhsulun üzәrinә keçmәyәn dәyәrinin bir hissәsi, yәni amortizasiya olunmayan dәyәr. Əsas fondların ilkin tam dәyәri ilә müәyyәn edilmiş müddәtdә amortizasiya mәblәği arasındakı fәrq kimi hesablanır; 3) tam bәrpa dәyәri – şәrtlәrin; topdansatış qiymәti, tikintinin smeta qiymәti vә nәql. taariflәrinin yenidәn qiymәtlәndirilmәsi anında faktiki olaraq yaranmış әsas fondların yenidәn qiymәtlәndirilmәsi; 4) aşınma çıxıldıqdan sonrakı bәrpa dәyәri – әsas fondların faktiki dәyәri vә inventar obyektlәrinin hәqiqi aşınmasının pulla qiymәtlәndirilmәsinә, yәni qalıq dәyәrә bölünür. İnventar obyektlәrin bir hissәsi bәrpa dәyәrinә, digәr hissәsi tam ilkin dәyәrә әsasәn hesablandığından әsas fondların qarışıq qiymәtlәndirilmәsi onların balans dәyәridir. Əmlakın, tikintilәrin, әsas vәsaitlәrin dәyәrinin qiymәtlәndirilmәsi – rәsmi qiymәtlәndirilmә, әmlak dәyәrinin özәllәşdirmә, vәrәsәlәnmә, kirayә, geri alınma vә ya onların uçotu, sığortası, vergisi vә s. zamanı obyektin dәyәrinin müәyyәn edilmәsi demәkdir.