ƏSGƏROV Əlәddin Abdulla oğlu (1926, Gәncә – 9.4.2013, Gәncә) – Azәrb. baytar hәkimi. Baytarlıq e.d. (1967), prof. (1967). Əmәkdar elm xadimi (1991). Azәrb. Kәnd Tәsәrrüfatı İn-tunun baytarlıq tәbabәti fakültәsini bitirmişdir (1947). Samux r-nunda baş baytar hәkimi işlәmişdir. Ə. Azәrb. Kәnd Tәsәrrüfatı İn-tunda dosent (1957–65) vә 1965 ildәn kafedra müdiri vәzifәlәrindә çalışmışdır. Tәdqiqatları çoxşaxәlidir. Ə. mikrobiologiya vә k.t. heyvanlarının sanitariya vә gigiyenasını, quşçuluğa ziyan verәn vәba xәstәliyini öyrәnmiş, ona qarşı vaksin ixtira etmişdir; o, insan ekologiyası, dәrman bitkilәrinin mühafizәsi, su mәnbәlәri vә içmәli suların öyrәnilmәsi, neft tullantılarının dezinfeksiya tәsirliliyi, tәkamül tәliminә yeni baxış, hәyatın mәnşәyi mәsәlәlәrinә dair tәdqiqatlar aparmışdır. O, mikrobların tәsnifatındakı hәrәkәtli vә hәrәkәtsiz bölünmәnin әleyhinә çıxaraq, hәrәkәtin tәkcә hәrәkәt orqanlarının mövcudluğu ilә әlaqәdar olmadığını göstәrmişdir; mikroblarda qılaf yığılıb açıldığından bütün mikrobların hәrәkәtli olduğunu, mikrobların antibiotiklәrә uyğunlaşdığını vә buna әsasәn dә mikrobun antibiotik mәhlulunda yetişә bildiyini isbat etmişdir. “Kәnd tәsәrrüfatı heyvanlarının gigiyenası” dәrsliyinin müәllifidir. 400-dәn artıq müxtәlifistiqamәtli elmi, ictimai-siyasi mәqalәnin vә 500-dәn çox elmi әsәrin, o cümlәdәn 16 dәrsliyin, 21 dәrs vәsaitinin, 1 monoqrafiyanın, bәdii, elmi-kütlәvi kitabların, 10 ixtiranın (müәlliflik şәhadәtnamәsinin) müәllifidir. Kadrların hazırlanmasında xidmәti var.

Əsәri: Kәnd tәsәrrüfatı heyvanlarının gigiyenası. B., 1967–1992.