ƏSGƏROVA Salatın Əziz qızı (16.12. 1961, Bakı – 9.1.1991, Şuşa yaxınlığındakı Qaladәrәsi k.) – Azәrb. jurnalisti, Azәrb.ın Milli Qәhrәmanı (ölümündәn sonra, 6.11.1992). Azәrb. Neft vә Kimya İntunu bitirmişdir (1984). “Bakı” qәzetindә jurnalist kimi fәaliyyәtә başlamış, 1988 ildәn “Molodyoj Azerbaydjana” qәzetindә müxbir işlәmişdir. Ə. tez-tez cәbhә bölgәsinә sәfәr edәrәk, Dağlıq Qarabağın qaynar nöqtәlәrindәn operativ xәbәrlәr hazırlamışdır. 1991 il yanvarın 9-da Laçından Şuşaya yollanarkәn Ə.-nın olduğu maşın Qaladәrәsi k. (Şuşadan 6 km aralı) yaxınlığında  ermәni  silahlı  qüvvәlәrinin mühasirәsinә düşәrәk şiddәtli atәşә tutulmuş vә cәsur jurnalist hәlak olmuşdur. Bakıda Şәhidlәr Xiyabanında dәfn edilmişdir.