ƏSKİŞƏHƏR (Eskişehir) – Türkiyәnin İç Anadolu bölgәsindә il. Sah. 13,7 min km2. Əh. 789,8 min (2012). İnz. m. Əskişәhәrdir. Ərazisi düzәnliklәrdәn vә bunları bir-birindәn ayıran sıra dağlardan (Sündikәn vә Sivrihisar d-rı) vә yaylalardan ibarәtdir. Porsuq çayı (Ankara çayının sol qolu) il әrazisini iki hissәyә bölür. İqlimi kontinentaldır; qışı soyuq (Ə.-dә yanvarın orta temp-ru –0,3°C; –20°C-yәdәk düşә bilir), yayı qısa vә istidir (iyulun orta tempru 21,5°C). Yağıntının illik miqdarı tәqr. 400 mm-dir. Tarlaçılıq (taxıl, günәbaxan), tәrәvәzçilik (şәkәr çuğunduru, kartof), meyvәçilik inkişaf etmişdir. Mühüm sәnaye mәrkәzidir. Lokomotiv-vaqon vә tәyyarәquraşdırma z-du; yeyinti, toxuculuq sәnayesi, xrom, bor, maqnezit, perlit, asbest yataqları var.
