ƏTALƏT MƏRKƏZİ, kütlә  mәrkәzi – mexaniki sistemdә vә ya cisimdә kütlәnin paylanmasını xarakterizә edәn hәndәsi nöqtә. Ə.m.-nin koordinatları

x_c =∑ m_k x_k /M , y_c = ∑m_k y_k /M ,

z_c =∑ m_k z_k /M

vә ya kütlәnin kәsilmәz şәkildә paylandığı sistemlәrdә (cisimlәrdә)

kimi tәyin olunur; burada m_k – sistemi әmәlә gәtirәn maddi nöqtәlәrin kütlәlәri, x_k, y_k, z_k – bu  nöqtәlәrin  koordinatları, M = ∑m_k – sistemin kütlәsi, ρ (x, y, z) – sıxlığı, V – hәcmidir. Ə.m. anlayışının ağırlıq mәrkәzi anlayışından fәrqi ondadır ki, ağırlıq mәrkәzi ancaq bircins qravitasiya sahәsindә tәyin olunduğu halda Ə.m. heç bir qüvvә sahәsi ilә bağlı deyil vә istәnilәn mexaniki sistemә tәtbiq oluna bilәr. Bәrk cisim üçün Ə.m. vә ağırlıq mәrkәzinin koordinatları üst-üstә düşür.

Mexaniki sistemin hәrәkәti zamanı Ə.m.-nin hәrәkәti, sanki sistemә tәtbiq edilmiş bütün xarici qüvvәlәrin tәsiri altında olan vә kütlәsi bu sistemin kütlәsinә bәrabәr olan maddi nöqtәnin hәrәkәti kimidir. Ə.m. ilә bağlı olan vә onunla birlikdә irәlilәmә hәrәkәti edәn koordinat sisteminә nәzәrәn mexaniki sistemin (cismin) bәzi hәrәkәt tәnliklәri әtalәt hesablama sistemindә dә eyni formada ifadә olunur. Bu cәhәtdәn Ə.m. anlayışı mexaniki sistemlәrin vә bәrk cisimlәrin dinamikasında önәmli rol oynayır.