ƏTİRSÜNBÜL (Anthoxanthum), siçanqulağı – taxıllar fәsilәsindәn çoxillik ot cinsi. Gövdәsi (hünd. 50 sm-әdәk) içi boş külәşdәn ibarәt olub dirsәkşәkilli әyilmişdir. Yarpaqları xәtvarı, oturaqdır, uzun qın әmәlә gәtirir. Qının yarpaq ayasına keçdiyi yerdә dilcik olur. Çiçәk qrupu sıx mürәkkәb sünbüldür (uz. 8 sm-әdәk). Bütün materiklәrdә yayılmış, 25 növü var. Adi siçanqulağı (A.Odoratum) daha çox tanınan növüdür, Avropada, Sibirin c.-nda, Uzaq Şәrqdә subasar vә quru dәrәlәr, çәmәnlik vә meşә talaları üçün sәciyyәvidir. Azәrb.-da bir növü – adi siçanqulağı bitir. Qafqazın şm.-ı vә mәrkәzindә, yuxarı dağ qurşaqları, ovalıq, yamac vә çәmәnliklәrdә yayılmışdır. Tәrkibindә bitkiyә xoş iy verәn kumarin (qlikozidlәr şәklindә) maddәsi var. Xalq tәbabәtindә (sakitlәşdirici, bәlğәmgәtirici tәsir göstәrәn) vә әtriyyat sәnayesindә istifadә edilir.

Ятирсцнбцл (Anthoxanthum).