ƏTYEMƏZLİK, vegetarianlıq (ing. vegetarian, lat. vegetabilis – bitki mәnşәli) – heyvan mәnşәli mәhsulların qәbulunu istisna etmәk vә ya mәhdudlaşdırmaqla, bitki mәnşәli mәhsulların qәbuluna әsaslanan qidalanma sistemi. Ə.-in başlanğıcı qәdim zamanlara gedib çıxır, әsasında dini vә etik prinsiplәr dururdu. 19 әsrin 1-ci yarısında Avropada (xüsusilә bitki qidaları geniş әhali kütlәsi üçün daha әlçatan olan ölkәlәrdә) Ə. geniş yayılmışdır. Müasir nutrisiologiya qarışıq qidalanma (bitki vә heyvan mәnşәli mәhsullar) tövsiyә edir. Heyvan mәnşәli qidanın tәrkibindә orqanizmin hәyat fәaliyyәti üçün әhәmiyyәtli olan mürәkkәb aminturşular, A, B qrupu vitaminlәri vә s. olur. Orqanizmin zülallara olan fizioloji tәlәbatını tәmin etmәk üçün çoxlu miqdarda bitki mәnşәli qida lazım olur, bu da hәzm orqanlarını hәddindәn artıq yüklәyir vә onların funksiyasında bir sıra pozuntular törәdә bilir; bitki zülalı heyvani zülala nisbәtәn xeyli pis hәzm olunur.

Hipertoniya, ateroskleroz, kәskin vә xroniki böyrәk xәstәliklәri zamanı, sidik turşulu diatez, podaqra vә s.-dә müalicә mәqsәdilә vegetarian qidalanma tәtbiq olunur. Vegetarian qidalanmaya müvәqqәti keçmәk tәdricәn hәyata keçirilir, çünki tәlәskәn keçid kәskin zәiflik vә ağır fәsadlar törәdә bilәr (bax hәmçinin Qidalanma).