ƏYRİPƏNCƏLİK – pәncә deformasiyası; ayağın alt hissәsinin әyilmәsi (ekvinus), pәncәnin ön şöbәsinin daxilә tәrәf çevrilmәsi (adduksiya) vә onun tağının uzununa böyümәsi (boşluqlu pәncә) ilә xarakterizә olunur. Daha çox anadangәlmә Ə.-yә tәsadüf edilir (hәr 1000 doğuşda 1–4 hadisә). Baldır әzәlәlәrinin deformasiyası ilә müşayiәt olunur; çox vaxt oğlanlarda rast gәlinir. Əzәlәnin iflici nәticәsindә dә (mәs., poliomielit, ayağın, baldırın travmaları zamanı) Ə. inkişaf edә bilәr. Ağır formalı Ə.dә uşağın böyümәsi ilә artan pәncә vә baldırın qısalması, baldır-pәncә oynağında yalnız tәrpәnmә hәrәkәtlәrinin mümkünlüyü müşahidә edilir.

Müalicәs i: anadangәlmә Ə.-dә uşağın 2 hәftәliyindәn mәrhәlәli gips sarğısının (6–8 dәfә) qoyulması ilә başlayır. Axırıncı gips sarğısı çıxarıldıqdan sonra şin qoyulur. Ə.-in konservativ müalicәsi qeyrieffektiv olduqda, habelә ağır vә gecikmiş hallarda cәrrahi korreksiya aparılır. Reabilitasiya tәdbirlәri kompleksinә fizioterapevtik prosedurlar, masaj vә müalicә gimnastikası daxildir.