ƏYRİVƏNG MƏBƏDİ – Azәrb. Resp. Gәdәbәy r-nunun Əyrivәng k. әrazisindә 9–10 әsrlәrә aid memarlıq abidәsi. Əyriçayın sol sahilindәki meşә örtüklü hündür tәpәnin üstündә yerlәşir. Mәbәdin dam örtüyü vә divarlarının bir hissәsi dağılmışdır. Uz. 7,5 m, eni 3,7 m, divarlarının qalınlığı 1,1 m-dir. Abidәnin nalvarı mehrab apsidası üçün düzbucaqlı mәbәdin ş. divarının ortasında әlavә düzbucaqlı çıxıntı inşa olunmuş, apsida çәrçivә içәrisinә yerlәşdirilmişdir. Pastoforilәrin (әlavә ibadәt otaqları) apsidanın yanlarında deyil, ondan q.-dә, mәbәdin şm. vә c. tәrәflәrindә inşa edilmәsi, Əyrivәng tipli mәbәdlәri digәr alban mәbәdlәrindәn fәrqlәndirir. Uz. 2,6 m, eni 1,15 m olan düzbucaqlı pastoforilәr ş.-dә yarımoval formalı apsida ilә tamamlanır. O qәdәr dә hündür olmayan qapı yeri müvafiq pastoforini ibadәt zalı ilә әlaqәlәndirir. Ə.m.-nin q. divarının ortasında yerlәşәn yeganә girişi sonradan inşa edilmiş dәhlizә açılır. Mәbәd vә dәhliz müxtәlifölçülü kobud qırma daşlardan, hәmçinin çay daşlarından tikilmiş, bәrkidici material kimi әhәng mәhlulundan istifadә edilmişdir. Pәncәrә yerlәri haşiyәsizdir. Karniz bir qәdәr kәnara çıxan düzbucaqlı daş cәrgәsindәn ibarәtdir.

Əd.: Xәlilov M.C. Albaniyanın xristian abidәlәri (IV–X әsrlәr). B., 2011.

Яйривянэ мябяди. 9–10 ясрляр.
Эядябяй району.