ƏZHƏR, әl-Əzhәr () – Qahirәdә islam dini vә dünyәvi tәhsil müәssisәlәri kompleksi. 970–972 illәrdә Fatimi xәlifәsi әl-Muizzә tәrәfindәn tikilib. Fatimilәr dövründә Ə.-dә әsasәn dini fәnlәr – Quranşünaslıq, hәdisşünaslıq, müsәlman hüququ vә s. fәnlәr tәdris olunurdu. Ə. әnәnәvi olaraq Yaxın Şәrqdә müsәlman alimlәrinin dayağı olmuş, 18 әsrdә müxtәlif müsәlman ölkәlәri tәlәbәlәrinin tәhsil aldığı un-t vә iri islam mәdәniyyәti mәrkәzinә çevrilmişdir. Un-t Qahirәnin vә Misirin tarixindә böyük rol oynamışdır. 19–20 әsrin sonlarında Ə.-dә daxili struktur, dәrs proqramları, tәhsil metodikası vә tәhsil prosesinin reforması aparıldı. 1961 ildә tәşkilati yeniliklәr hәyata keçirildi vә un-tin nәzdindә dünyәvi fakültәlәr yaradıldı. Ə.-in tәrkibindә Ali tәhsil şurası; İslam tәdqiqatları akademiyası; әl-Əz hәr un-ti (Un-tin ilahiyyat, müsәlman hüququ, әdәbiyyat, inzibati işlәr vә ticarәt, mühәndislik, tibb, pedaqoji fakültәlәri vә müsәlman qadın kolleci var.); Qahirә vә әyalәt mәrkәzlәrindә in-tları, xüsusi dini müәssisәlәri, mәrkәzi kitabxanaları mövcuddur. Un-tә rektor (şeyx әlƏzhәr) rәhbәrlik edir. “Əzhәr jurnalı” (“Mәcәlliyyat әl-Əzhәr”) [1929–36 illәrdә “Nur әl-islam” (“İslamın nuru”) adlanmışdır] nәşr edilir. Müasir dövrdә dә bütün müsәlman dünyasının ilahiyyat üzrә kadrlarının hazırlandığı әsas mәrkәzdir.

           Язщяр Университети. Язщяр (Гащиря).