ƏZİZOV Vәsadәt Əli oğlu (d.22.12.1955, Masallı r-nunun Qızılavar k.) – Azәrb. tibb alimi, kardioloq. Tibb e.d. (1993), prof. (2003),  Azәrb.  Resp.  Əmәkdar  hәkimi  (2010). Azәrb. Dövlәt Tibb İn-tunu (indiki ATU) bitirmişdir (1978). 1979–82 illәrdә Naxçıvan Resp. Xәstәxanasında hәkim, 1993–94 illәrdә Azәrb. Tibb Un-tinin daxili xәstәliklәr kafedrasında assistent, 1994–98 illәrdә C.Abdullayev ad. Elmi Tәdqiqat Kardiologiya İn-tunun direktoru vәzifәsindә çalışmış, 1999 ildәn Azәrb. Tibb Untinin II daxili xәstәliklәr kafedrasının müdiridir. Tәdqiqatları, әsasәn, kardiologiyanın aktual problemlәrinin öyrәnilmәsinә hәsr edilmişdir. 500-dәn çox elmi әsәrin, o cümlәdәn 28 dәrslik, dәrs vәsaiti, monoqrafiya, 3 müәlliflik şәhadәtnamәsi vә 1 ixtiranın müәllifidir. Kadrların hazırlanmasında xidmәti var. Azәrb. Resp. Milli Mәclisinin (2-ci çağırış) deputatı olmuşdur.

Əsәrlәri: Arterial hipertoniyanın diaqnostikası vә müalicәsi. B., 1997; Sәyrici aritmiya (R.A.Yusifovla birlikdә). B., 2001; Sarılıq sindromu (S.Alimetov, Q.Kәrimli, X.Qurbanova ilә birlikdә). B., 2001; Xroniki ürәk çatışmazlığı. B., 2002; Arterial hipertenziya (V.A.Mirzәzadә, M.M.Əsgәrovla birlikdә). B., 2006.