FARMÁN Anri (26.5.1874, Paris – 17.7. 1958, Paris) – fransız  aviakonstruktoru vә tәyyarәçisi. 1907–08 illәrdә düz uçuş uzaqlığı (771 m), qapalı әyri boyunca uçuş (1  km-ә  qәdәr) üzrә rekordlar qazanmışdır; Buyn–Reyms şәhәrlәrarası uçuş (17 dәq.-yә 27 km) etmişdir. F. 1909 ildә Paris yaxınlığında tәyyarәçilәr hazırlayan mәktәb yaratmışdır. Hәmin ildә tәyyarәlәr düzәltmәyә başlamışdır. Onun F-4 (1909) tәyyarәsi bir sıra ölkәlәrdә tәyyarәçilәrin tәlimi üçün tәtbiq edilmişdir. 1912 ildә qardaşı Moris ilә birlik-dә “F.” firmasının (1936 ildә millilәşdirilmişdir) әsasını qoymuşdur. Firma 30-a yaxın hәrbi vә mülki tәyyarә tiplәri, hәmçinin aviasiya mühәrriklәri buraxmışdır. Birinci dünya müharibәsi illәrindә (1914–18) kәşfiyyatçı F-20, F-30, F-40, bombardmançı F-50 tәyyarәlәrindәn geniş istifadә edilmişdir. Avropanın ilk hava xәtlәrindә F.-ın “Qoliaf” sәrnişin tәyyarәsi işlәdilmişdir (1919 ildәn).