FAZİL  LƏNKƏRANİ (Ayәtullah Şeyx Fazil Müvәhhid Qafqazi Lәnkәrani; 1891, yaxud 1896, Masallı r-nunun Ərkivan k. – 31.3.1972, İran, Qum) – Azәrb. ilahiyyatçısı. Mәhәmmәd Fazil Lәnkәraninin atasıdır. İranda tәhsil aldıqdan (1913–20) sonra Azәrb.-a qayıtmış, sovet rejimi şәraitindә fәaliyyәt göstәrә bilmәdiyindәn yenidәn İrana getmişdir. Qum elmi hövzәsindә mәskunlaşan F.L. Hairi Yәzdinin tәlәbәsi olmuş, onun mühazirәlәrini “Nәtaic әlәfkar” (“Düşüncәlәrin nәticәlәri”) adı altında toplamışdır. Burucerdi ilә dostluq etmişdir. Elmi hövzәnin qabaqcıl müәllimlәrindәn olan F.L. tәlәbәlәrin hәm mәnәvi, hәm dә maddi hәyatında mühüm rol oynamışdır. Ərәb dilindә yazılmış “Nihayәt әl-әhkam” (“Hökmlәrin sonu”) risalәsi dini mәsәlәlәrlә bağlı tez-tez müraciәt edilәn mәnbәlәrdәn biridir. Yazdıqlarının çoxu nәşr edilmәmişdir. Mәzarı Qum ş.-nin Şeyxan qәbiristanındadır.

Əd.: Rәhimov  N. Azәrbaycanın din alimlәri. B., 2014.