FEDERAL EHTİYAT SİSTEMİ, ABŞ federal ehtiyat sistemi (ing. Federal Reserve System, FED) – mәrkәzi bank funksiyasını icra edәn müstәqil maliyyәiqtisad institutu. 23 dekabr 1913 ildә “Federal ehtiyatlar haqqında” (Federal Reserve Act) qanuna әsasәn yaradılmışdır. F.e.s. ABŞ dollarının rәsmi emissiyasını hәyata keçirә bilir; milli pul siyasәtini (iqtisadi artımı әks etdirәn pul vә kredit aqreqatlarının uzunmüddәtli artımını qoruyub saxlamaq vә maksimum mәşğulluğ, qiymәt stabilliyinә nail olmaq vә uzunmüddәtli orta faiz dәrәcәlәrini saxlama mәqsәdilә) müәyyәn edir; özәl kommersiya bank institutlarının fәaliyyәtinin nәzarәt vә tәnzimlәnmәsini hәyata keçirir; depozit institutlarına, ABŞ hökumәtinә maliyyә xidmәtlәri göstәrir.

F.e.s.-nin strukturu (1935 ildәn): federal hökumәt agentliyi – Direktorlar şurası (7 üzvünü ABŞ prezidenti seçir, senat tәsdiq edir); 12 regional federal ehtiyat bankı (Atlanta, Boston, Dallas, Kanzas-Siti, Klivlend, Minneapolis, Nyu-York, Riçmond, San-Fransisko, Sent-Luis, Filadelfiya, Çikaqo).