FELİKS (Fellix) Ellison (Allison) Mişel (d. 18.11.1985, Los-Anceles) - ABŞ idmançısı (yüngül atletika). Qısa məsafələrə (100 m, 200 m, 400 m) qaçış üzrə dünyanın ən güclü idmançılarından biri. 15 yaşında gənclər arasında dünya çempionatında 2 qızıl medal qazanmışdır. 17 yaşında ABŞ yığma komandasının heyətində ilk dəfə Panamerika oyunlarında çıxış etmiş və 4*100 m estafet yarışlarının qalibi olmuşdur. Dörd Olimpiya Oyunlarında iştirak etmiş, 6 qızıl (2008, Pekin, 4*400 m estafeti; 2012, London, 200 m, 4*100 m, 4*400 m estafetləri; 2016, Rio-de-Janeyro, 4*100 m, 4*400 m estafetləri) və 3 gümüş (2004, Afina; 2008-200 m, 2016-400 m) medal əldə etmişdir. 5 dünya çempionatının (2005-15, 2013 il istisna olmaqla) iştirakçısı olmuş, 9 qızıl (1.1.2017 il məlumatına əsasən qadınlar arasında rekord nəticə), 3 gümüş və 1 bürünc medal qazanməşdır. 4 dəfə IAAF-ın Qran-pri - "Brilliant liqa" kommersiya seriyasının qalibidir (2010, 400 m və 200 m; 2014 və 2015, 200 m).