FELPS (Phelps) Edmund (d. 26.7.1933, İllinoys ştatı, Evanston) – Amerika iqtisadçısı, ABŞ Milli EA-nın üzvü (1982), Nobel mükafatı laureatı (2006). Amherst kollecini bitirmişdir (1955), Yel un-tindә fәlsәfә elmlәri doktoru (1959) elmi dәrәcәsini almışdır. Yel (1958–66), Pensilvaniya (1966 –71) vә Kolumbiya (1971 ildәn) un-tlәrindә dәrs demişdir.

F. inflyasiya vә işsizliyin qarşılıqlı әlaqәsini, әmәk resurslarının mәhdud mobilliyinin,işsizliyin tәbii sәviyyәsinin sәbәblәrini tәdqiq etmişdir. F.-in modelindә әmәkhaqqı stimullaşdırıcı rol oynayır vә yeni işçilәrin cәlb olunması üçün kifayәt edir. F.-ә görә, işsizlik sәviyyәsinin müvazi vәziyyәtinә qeyri-monetar metodlar vasitәsilә nail olunur. Özünün artım nәzәriyyәsindә F. “qızıl qaydanı” (kapital verimi onun tәkrar istehsalına sәrf olunan mәsrәfә bәrabәr olmalıdır) formulә etmiş vә onu dinamik kontekstdә әsaslandırmışdır. Bütün müasir iqtisadi artım nәzәriyyәlәrindә optimallığın әsas şәrti kimi bu prinsipdәn istifadә olunur.

Ə s ә r l ә r i: Fiscal neutrality toward economic growth. N.Y.,1965; Golden rules of economic growth. N.Y., 1966; Structural slumps: The modern equilibrium theory of unemployment, interest and assest. Camb., 1994; Rewarding Work: How to Restore participation and self-support to free enterprise Camb., 2007; Economic Justice and the Spirit of Innovation. N.Y., 2009; Mass Flourishing: How Grass Roots Innovation Created Jobs, Challenge and Change. N.Y., 2013.