FELPS (Phelps) Maykl Fred (d.30.6.1985, Baltimor) – ABŞ idmançısı (üzgüçülük). Olimpiya Oyunlarında qazandığı qızıl kedalların (23) sayına görə rekordçu (1.1.2020 ilədək). Hərtərəfli üzgücü olan F. üzgüçülüyün sərbəst və batterflyay üsulları ilə daha uğurla çıxış edir. 15 yaşında ABŞ yığma komandasının heyətində Olimpiya Oyunlarında 2000, Sidney) debütü olmuşdur; bir il sonra dünya çempionatında ilk qızıl medalını qazanmış (200 m batterflyay üsulu ilə) və özünün ilk dünya rekordunu müəyyən etmişdir. Növbəti 4 Olimpiya Oyunlarında 23 qızıl (2004, Afina – 6; 2008, Pekin – 8; 2012, London – 4; 2016, Rio-de-Janeyro – 5), o cümlədən 16 fərdi və 7 estafet yarışlarında; 3 gümüş və 2 bürünc medal; dünya çempionatlarında (2001-11) 50 m-lik hovuzda 25 qızıl, 8 gümüş və 1 bürünc medal qazanmışdır. 39 dünya rekordu, o cümlədən 29 fərdi rekord müəyyən etmişdir.