FELZENŞTEYN (Felsenstein) Valter (30.5.1901, Vyana– 8.10.1975, Berlin) – Avstriya və alman teatr rejissoru. 20 əsrin ən görkəmli opera rej.-larından biri. Almaniya Demokratik Resp. Dövlət mükafatları (1950, 1951, 1956, 1960, 1970) laureatı. Almaniya D e m o k r a t i k  Resp. İncəsənət Akademiyasının vitse-prezidenti (1959). Milliyyətcə avstriyalıdır. Sistemli teatr təhsili olmasa da, 1921-23 illərdə Vyana "Burq-teatre"də E.Arndtdan aktyor ustalığı dərsləri almışdır. 1923-32 illərdə Lübek, Manheym və boyten (hazırda Bıtom) teatrlarında oynamış, 1924-25 ilin mövsümündə Manheymdə rej. kimi debütü olmuşdur. 1929-32 illərdə Frayburq teatrında (ilk dəfə burada opera tamaşasına quruluş vermişdir) rej., 1932-34 illərdə Frankfurt, 1938040 illərdə Sürix (burada həmçinin operettaları səhnəyə qoymuşdur) opera teatrlarında, 1940-44 və 19445-47 illərdə Berlində dram tetrlarında rej. işləmişdir. 1947 ildə F. Avropanın əhəmiyyətli və islahatçı opera tetrlarından biri olan "Komişe oper" teatrını yaratmış və ömrünün sonunadək bu teatra rəhbərlik etmişdir. Hamburq, Münxen, Milan, Vyana, Moskva teatrlarında dəvətlə işləmişdir. Ən yaxşı tamaşaları: "Orfey cəhənnəmdə", "Hofmanın nağılları", "Göysaqqal" (1948, 1958, 1963, J.Offenbax), "Karmen" (1949, J.Bize), "Azad atıcı" (1951, K.Veber), "Sehrli Fleyta" (1954, V.Motsart), "Hiyləgər tülkü" (1956, L.Yanaçek), "Otello" (1959), "Traviata" (1969, hər ikisi C. Verdinin), "Yay gecəsində yuxu" (1961, B.Britten), "Don Juan" (1966, V.Motsart), "Üç portağala məhəbbət" (1968, S.Prokofyev) və s.

Əd.: H o m a n n  R. Die Partitur als Regiebuch: W. Felsensteins Musiktheater. Osnabrück, 2005.