FENAKÓDUS (Phenacodus) – kondilyartrlar dәstәsindәn nәsli kәsilmiş qәdim dırnaqlı mәmәli heyvan cinsi. Bәdәninin uz. (quyruğu ilә) 1,5 m-ә vә hünd. 60 sm-ә yaxındır. Ümumi görünüşünә görә F. dırnaqlı mәmәlidәn çox, yırtıcı mәmәliyә oxşayırmış. Qәdim yırtıcı kreodontlarda olduğu kimi әmgәk darağı vә kiçik beyin qutusundan ibarәt uzun kәllәsi olan F.-un 44 dişi olmuşdur. Köpәk dişlәri iri, azı dişlәri qabarcıqlı taclı idi. Ətraflar barmaqüstündәgәzәndir, ön әtraflar arxa әtraflardan xeyli qısa, quyruğu uzun olmuşdur. Beş barmağı olan F. gәzәrkәn, әsasәn, orta üç barmağa istinad edirdi. F.-un 10-a yaxın növü Şimali Amerikanın Paleosen vә Eosen, Qәrbi Avropanın Eosen dövrlәrinin çöküntülәrindәn mәlumdur. F. tәkdırnaqlı heyvan әcdadlarından biridir.