FENİLENDİAMİNLƏR (diaminobenzollar) − aromatik diaminlәr:

1,2-, 1,3-, vә 1,4-F. mәlumdur (uyğun olaraq o-, m- vә p-F.). İşıqda vә havada qaralan, rәngsiz kristal maddәlәrdir; 1,2-, 1,3- vә 1,4-F.-in әrimә temp-rları uyğun olaraq 105,8, 63−64 vә 147°C; etanolda, efirdә, xloroformda, qaynar suda hәll olur. Aromatik aminlәrin kimyәvi xassәlәrini göstәrirlәr. o-F. o-nitroanilinin Na hidrosulfidlә reduksiyasından vә ya hidrogenlәşmәsindәn; m-F. m dinitrobenzolun Fe tozu ilә reduksiyasından. vә ya m-dinitrobenzolun katalitik hidrogenlәşmәsindәn; p-F. n-nitroanilinin Fetozu ilә reduksiyasından alınır. F. kub boyaq maddәlәrinin (o-F), azoboyaların (m-F), kükürdlü, birbaşa vә dispers boyalarınının istehsalında reagent kimi istifadә edilir; F. duzları ağ-qara vә rәngli fotoqrafiyada aydınlaşdırıcı, m- vә n-F. poliamidlәrin, poliuretanların istehsalında, plastiklәr vә m-F. elastomerlәrin antioksidantları, epoksid qatranlarının bәrkidicilәri kimi vә s. istifadә olunur. Zәhәrlidir, böyrәklәrә, qaraciyәrә pis tәsir edir, qanın tәrkibini dәyişdirir, respirator xәstәliklәri vә dermatitlәri törәdir.