FÉNNER Klarens Norman (19.7.1870, Nyu-Cersi ştatı, Klifton – 24.12.1949, elә orada) – Amerika geoloq-mineraloqu vә petroqrafı. Nyu-Yorkda Kolumbiya Un-tini bitirmişdir (1892). 1907 ilә qәdәr Meksika, Kanada, Cәnubi vә Mәrkәzi Amerikada, hәmçinin Karneqi İn-tunun geofizika laboratoriyasında geoloq işlәmişdir. Əsas әsәrlәri mineralogiya sahәsi üzrәdir; müxtәlif mineralların (әsasәn, seolitlәr) pnevmatolit vә hidrotermal proseslәr şәraitindә paragenezisinin öyrәnilmәsinә hәsr edilmişdir. Müasir vulkanizm proseslәrini (Alyaskada Katmay, Yellouston Milli Parkı vә s.) öyrәnmiş, Şimali vә Cәnubi Amerikanın müxtәlif r-nlarında petroqrafik tәdqiqatlar aparmışdır. Silisium turşusunun ilk diaqramını vermiş, bir sıra mineral, filiz vә süxurların әmәlә gәlmәsini maqmanın kristallaşma diferensiasiyası vә likvasiyası nöqteyi-nәzәrindәn izah etmişdir. Uran vә torium minerallarının parçalanmasının analitik üsullarını vә bu üsulların süxurların mütlәq yaşının tәyin olunmasında tәtbiqini işlәyib hazırlamışdır (1929).

Ə s ә r i: Геология рудных месторождений западных штатов США. М.–Л., 1937.