FENOL, h i d r o k s i b e n z o l, k a r b o l  t u r ş u s u – fenolların әn sadә nümayәndәsi, C₆H₅OH; havada çәhrayılaşan sәciyyәvi iyli, rәngsiz kristal maddә; t_әr. 40,8, t_qayn. 181,84. Etanolda, dietil efirindә, asetonda, CHCl₃ vә s. üzvi hәlledicilәrdә yaxşı, suda pis hәll olur. F. zәif birәsaslı turşudur. 

Qәlәvilәrlә duzlar – fenolyatlar, xloranhidridlәrlә mürәkkәb efirlәr әmәlә gәtirir. F.-un ammonolizindәn anilin alınır. Elektrofil әvәzetmә reaksiyaları orto- vә para- vәziyyәtlәr üzrә gedir. Belә ki, fenolun qatı HNO₃ ilә nitrolaşmasından 2,4,6- trinitrofenol (pikrin turşusu), Br₂ ilә bromlaşmasından 2,4,6-tribromfenol әmәlә gәlir; alkilhalogenidlәr, olefinlәr vә ya spirtlәrlә turşu katalizatorların iştirakı ilә alkillәşmәsindәn o- vә p- alkilfenol qarışığı alınır. F. formaldehidlә fenol-formaldehid qatranları; asetonla bisfenol A [2,2-bis-(4-hidroksifenil)propan]; ftal anhidridi ilә fenolftalein әmәlә gәtirir. F.-un maye fazada katalizatorun iştirakı ilә hidrogenlәşmәsindәn tsikloheksanol alınır.

F. sәnayedә, әsasәn, kumolun havanın oksigeni ilә oksidlәşmәsindәn alınır.

F. müxtәlif fenol qatranlarının (fenol-aldehid, rezol), e-kaprolaktam, adipin turşusu, anilin, bisfenol A, alkilfenol, pestisid vә plastifikatorların istehsalında tәtbiq edilir; antiseptik vә dezinfeksiyaedici vasitәdir; bir sıra dәrmanların (mәs., aspirin, salol, fenolftalein) sintezindә istifadә olunur.

F. zәhәrlidir, sinir sistemi funksiyalarının, tәnәffüz vә qan dövranının pozulmasınа sәbәb olur; tәnәffüz yolları vә gözlәrin selikli qişasını qıcıqlandırır, dәriyә düşdükdә yanıqlar әmәlә gәtirir.