FENOTİP (fen vә tip) – orqanizmin fәrdi inkişaf prosesindә onun bütün әlamәtlәrinin mәcmusu. F. orqanizmin irsi әsası, onun genotipi vә inkişafin getdiyi konkret şәraitlә müәyyәnlәşdirilir. Orqanizmlәrdә fenotipik әlamәtlәrin böyük әksәriyyәti bir çox gen mәhsullarının mürәkkәb qarşılıqlı tәsiri nәticәsindә yaranır. “F.” termini 1909 ildә V.İohannes tәrәfindәn elmә daxil edilmişdir.

Genotiplә F. arasında eynimәnalı uyğunluq yoxdur. Hәtta oxşar genotipli orqanizmlәr mövcud olduqları şәraitdәki fәrqlәr nәticәsindә müxtәlif F.-ә malik ola bilirlәr. Mәs., müxtәlif şәraitdә böyüyәn bir yumurta ekizlәri kütlәsinә, boyuna, yaşama müddәtinә görә fәrqlәnirlәr. Əlamәtlәrin fenotipik tәzahürünә mühitin göstәrdiyi tәsirә misal Himalay xәttinә mәnsub adadovşanının tüklәrinin rәngi ola bilәr; eyni genotipә mәnsub adadovşanılar soyuqda yetişdirildikdә qara tüklü, mülayim temp-da “Himalay” rәngli (burnu, qulaqları, pәncәlәri vә quyruğu qara olan ağ adadovşanı), yüksәk temp-rda ağ tüklü olurlar. Bununla әlaqәdar olaraq genetikada xarici mühit şәraitinin tәsiri altında genotipin dәyişmәmәsi şәrtilә fenotipik dәyişkәnliyin mümkün qәdәr geniş vüsәt alması kimi reaksiya norması anlayışından istifadә edilir (reaksiya normasının hüdudları genotiplә müәyyәn edilir).