FERDİNÁND I (24.8.1865, Prussiya, Ziqmaringen – 20.7.1927, Buxarest) – H o h e n s o l l e r n l ә r - Z i q m a r i n g e n l ә r sülalәsindәn Rumıniya kralı [1914–27]. Taxt ona әmisi I Karoldan irsәn keçmişdi. İkinci Balkan müharibәsi dövründә [bax Balkan müharibәlәri (1912–13)] rumın qoşunlarının baş komandanı idi. Birinci dünya müharibәsi zamanı 1916 ilәdәk bitәrәfliyi saxlamış, Rumıniyanın Antanta tәrәfindәn müharibәyә qoşulmasının tәşәbbüskarı olmuşdur. Buxarest sülh müqavilәsinin (1918) imzalanmasına qarşı çıxmışdır.

Seçki islahatı (seçki senzinin lәğv olunması) keçirmiş, aqrar islahat keçirmәyә başlamışdır. 1923 ildә parlamentin sәlahiyyәtlәrini genişlәndirәn, әhalinin siyasi hüquqlarını vә şәxsi azadlıqlarını tәsbit edәn yeni konstitusiya qәbul etmişdir. Oğlu II Karolun varislikdәn kәnarlaşdırılmasını tәqdir etmiş, bu hüququ nәvәsi I Mixaya vermişdir.