FERGÜSON (Ferguson) İan (İen) Qordon (d.20.7.1952, Taumarunui) - Yeni Zelandiya idmançısı (baydarkada avarçəkmə). Dünya tarixində ən titullu avarçəkənlərdən biridir. 5 dəfə Olimpiya Oyunlarında iştirak etmiş (1976, Monreal - 1992, Barselona), 4 qızıl (1984, Los-Anceles - 500 m biryerlik baydarkada; 500 m ikiyerlik baydarkada və 1000 m dördyerlik baydarkada; 1988, Seul - 500 m ikiyerlik baydarkada) və 1 gümüş (1988, 1000 m ikiyerlik baydarkada) medal qazanmışdır.
1988 il Olimpiya Oyunlarının açılış mərasimində ölkəsinin bayrağını aparmaq şərəfinə layiq görülmüşdür. 2 dəfə dünya çempionu (1985, 500 m ikiyerlik baydarkada; 1987, 1000 m ikiyerlik baydarkada), 3 dəfə həmin yarışlarda gümüş (1983, 1987, 1990) medal qazanmışdır. Yeni Zelandiyanın ən yaxşı idmançısı seçilmişdir (1984). Britaniya imperiyası ordeninin üzvüdür (1985).
