FERMA (Fermat) Руег - (7.8.1601, Bomon-de-Loman - 12.1.1665, Kastr) - fransız riyaziyyatçısı və fiziki. Mühüm riyazi tədqiqatları diferensial hesabı, ədədlər nəzəriyyəsi, həndəsə, cəbr, ehtimal nəzəriyyəsi sahəsindədir.
Riyazi kəşflərinin əksəriyyəti B.Paskala, R.Dekarta və b.-na yazdığı məktublardan və Diofantın “Hesab” əsərindən məlum olmuşdur. Onun teoremlərinin çoxunu L.Eyler, O.Koşi və b. isbat etmişdir. Fermanın böyük teoremi və Fermanın kiçik teoremi məşhur teoremlərdir. F. ixtiyari ədədin bölənlərini tapmaq üçün metod vermiş, ах2 +1 =y2 tənliyinin tam həllinin tapılması problemini qoy- muşdur (а - kvadrat kökü olmayan verilmiş ədəddir). F., Dekartla birlikdə analitik həndəsənin banisidir. О, koordinatlar üsulunu Dekartda olduğundan daha sistemli inkişaf etdirmiş, düz xəttin və ikitərtibli xəttin tənliklərini çıxararaq həndəsəyə tətbiq etmişdir. F. koordinatları çevirməklə (koordinat başlanğıcını köçürmək və oxları döndərməklə) bir və iki dərəcəli tənliyi ümumi şəkildə tədqiq etmişdir. Onun “Ən böyük və ən kiçik qiymətlərin axtarılması metodu” əsərinin diferensial və inteqral hesabı nəzəriyyəsi üçün böyük əhəmiyyəti olmuşdur. F. kəsr qüvvətlərin diferensiallanması üçün ümumi qanun vermiş, inteqrallama düsturunu kəsr və mənfi üstlər üçün ümumiləşdirmişdir. О, ehtimal nəzəriyyəsinə aid fundamental işlər görmüş, fizikada həndəsi optikanın əsas prinsipini (Ferma prinsipi) vermişdir.
