FERRARA RƏSSAMLIQ МӘКТӘBİ - İntibah dövrü boyakarlıq məktəbi. 15 əsrin ortalarında markiz Leonello (Lionello) d’Estenin mədəniyyət siyasəti sayəsində müxtəlif bədii ənənələrin kəsişdiyi Ferrara ş.-ndə formalaşmışdır. Niderland (Rogir van der Veyden, 1449-51 illərdə Ferrarada olmuşdur), Şimali İtaliya sənətkarlarının (Pizanello, Y.Bеllini, A.Mantenya) və Pyero Della Françeskanın təsirilə məktəbin səciyyəvi xüsusiyyətləri (Renessans və son orta əsrlər ənənələrinin sintezinə cəhd, qrafik ekspressiya, detalların diqqətlə işlənilməsi) yaranmışdır. K.Tura (məktəbin banisi), F. del Kossa, E. de Roberti, L.Kosta F.r.m.-nin görkəmli nümayəndələri olmuşlar. “Borso d’Este bibliyası” (T.Krivelli və b.-nın miniatürləri, 1455-61, Estense kitabxanası, Modena), Skifanoya sarayının divar rəsmləri (1469-70, F. del Kossa və b.) F.r.m.-nin görkəmli abidələridir. 16 əsrdə məktəb özünəməxsusluğunu itirməyə başlamışdır: B.Tiri (Qarafalo), D. və B.Dossi, Cirolamo da Karp0i, S.Filippi, L.Settevekki və b.-nın yaradıcılığında Venesiya və Roma məktəblərinin aşkar təsiri hiss olunur.
| Ferrara Rəssamlıq Məktəbi. Lorense Kosta. “Izabella d'Estenin sarayının alleqoriyası”. 1501-06. Luvr (Paris). |
