“FERRÁRİ” – İtaliyada istehsal edilәn yarış vә idman avtomobillәrinin adı. Əsası 1928 ildә Enso Ferrari tәrәfindәn qoyulmuş eyniadlı italyan şirkәti 1946 ildәn idman vә yarış maşınları istehsal etmәyә başlamışdır. “F.” avtomobillәri müxtәlif idman yarışlarındakı uğurları (15 dәfә dünya çempionu olmuş, 16 dәfә konstruktor kubokunu almışdır) ilә tanınmışdır. Paris avtosalonunda (2012) nümayiş etdirilmiş “F. Enzo” ikiyerli idman modelinin mühәrrikinin işlәk hәcmi 6 l, gücü 578 kVt (650 a.q.), maks. sürәti 350 km/saat vә daha yüksәkdir; qapıları yuxarı qalxmaqla açılır, bütün idarәetmә funksiyaları vә ötürmәlәr sükandakı düymәlәrlә yerinә yetirilir.

 
Ferrari F12TdF avtomobili.