FERRÉ Canfranko (15.8.1944, Lenyano – 17.6.2007, Milan) – italyan modelyeri. Milan Politexnik İn-tunun memarlıq fakültәsini bitirmişdir (1969). Ən sevdiyi motivlәrdәn biri ağ bluzdur (köynәkdir): klassik kişi köynәyini әsas götürüb, material vә formanı mürәkkәb çoxqatlı hәcmdәn şәffaf minimalistik variantlaradәk dәyişmәklә bu motivi inkişaf etdirmişdir. F. 1980–90-cı illәrin işgüzar üslubunun yaradıcılarından biri olmaqla yanaşı, bu üsluba italyan zәrifliyini dә әlavә etmişdir. 1969–70 illәrdә aksessuar vә zәrgәrlik mәmulatları yaratmaqla dizayner fәaliyyәtinә başlamışdır; 2003 ildә onun öz adı ilә ilk şәxsi zәrgәrlik kolleksiyası, 1978 ildә ilk qadın geyimlәri, 1982 ildә isә ilk kişi geyimlәri kolleksiyaları nümayiş etdirilmişdir. F. “Kristian Dior” dәb evinә rәhbәri olmuşdur (1989–96).