FERRİMAQNİT REZONANSI - elektron maqnit rezonansının növlərindən biri; F.r. xarici maqnit sahəsinin H₀ intensivliyinin müəyyən qiymətində və müəyyən (rezonans) v tezliklərində elektro­maqnit şüalanma enerjisinin ferrimaqnetik tərəfindən udulmasının kəskin artması zamanı baş verir. Ferrimaqnetiklərdə bir neçə maqnit altqəfəsin (bax ferrimaqnetizm) mövcudluğu F.r.-nın bir neçə qolunun varlığına səbəb olur. F.r.-nın qolları maqnit altqəfəslərin maqnitlənmə vektorlarının həm bir-birinə, həm də H₀ vektoruna nisbətən rezonans rəqslərinin həyə anlanmasına uyğun gəlir. F.r.-nın aşağıtezlikli qolu xarici maqnit sahəsi, anizotropiya və maqnitsizləşmə sahələri ilə təyin olunan H_eff sahədə nümunənin ümumi J maqnitlənmə vektorunun presessiyasının yaranmasına uyğun gəlir. Presessiya zamanı altqəfəslərin antiparalelliyi pozulmur; bu halda v = y_eff *H_eff. Bu tip F.r. ferromaqnit rezonansdan heç də fərqlənmir və ona görə də elmi ədəbiyyatda çox vaxt həm ferro-, həm də ferrimaqnit rezonansları üçün bu termindən istifadə edilir. F.r.-ın məxsusiliyi ancaq maqnitomexaniki nisbətin (y_eff) qiymətinin dəyişməsində özünü göstərir. F.r.-ın yüksəktezlikli qolları altqəfəslərdə antiparalelliyin pozulması şəraitində maqnitlənmə vektorlarının presessiyalarının yaranmasına uyğun gəlir. F.r.-ın bu qollarını bəzən mübadilə rezonansları adlandırırlar. Bu rezonansların tezlikləri altqəfəslər arasında mövcud olan mübadilə sahələrinin qiymətləri ilə mütənasib olub elektromaqnit spektrin infraqırmızı oblastına düşür.